Pas një jave aktivitetesh në të gjitha Njësitë Administrative të Bashkisë Selenicë, sot në qendër të qytetit të Selenicës u organizua manifestimi dhe koncerti i madh kushtuar 28 dhe 29 Nëntorit- 2024.
Me pjesëmarrjen e shkollave në juridiksion të kësaj bashkie nxënësit performuan këngë e valle kushtuar të dy ngjarjeve të mëdha të kombit.
Në aktivitet mori pjesë dhe përshëndeti edhe Kryetari i Bashkisë, Nertil Bellaj.
Në përshëndetjen e tij zoti Bellaj uroi dhe falenderoi të gjithë të pranishmit, duke thënë se ndihet shumë i gëzuar që festimet e të dy ngjarjeve kombëtare , 28 dhe 29 Nëntorit i festojmë së bashku .
Kryetari i Bashkisë theksoi se ndihej mirë që idea e Bashkisë për të hartuar një Program aktivitetesh kulturore me të gjitha shkollat në juridiksion të territorit të bashkisë, kjo edhe në bashkëpunim me ZVA, rezultoi e sukseshme.
Përgëzoj të gjithë nxënësit që u përshinë me shumë dashuri në të gjithë këtë maratonë kulturore po edhe stafet mësimdhënëse e Drejtoritë e Shkollave nga Sevasteri, Kota, Brataj, Vllahina, Armeni e deri këtu në Selenicë për korektesën dhe seriozitetin e treguar!
Ky angazhim i madh na mëson të gjithëve për mundësinë e madhe por edhe fuqinë kulturore e artistike që ka rinia shkollore dhe nxënësit tanë si dhe të stafeve pedagogjike për aftësitë drejtuese e menaxhuese.
Ju urojmë të gjithë të pranishemve por edhe të gjithë banorët gëzuar 112 vjetorin e Pavarësisë por edhe 80 vjetorin e Çlirimit të Atdheut, si nderim e mirënjohje për brezin që çliroi vendin dhe e rreshtoi atë në bllokun e madh të fitimtarëve gjatë Luftës së Dytë Botërore.
