Me kënaqësi ndoqa takimin final të Festivalit Folklorik të Shkollave të Mesme të Qarkut, organizuar nga Drejtoria Rajonale e Trashëgimisë Kulturore të Vlorës.
Në vlerësim të punës së organizatorëve dhe të gjitha grupeve pjesëmarrëse më duhet të vlerësoj nominalisht drejtoritë, stafet pedagogjike dhe veçanërisht nxënësit pjesëmarrës të shkollave “Mynyr Xhindi” të Vllahinës e “Ali Asllani” Kotë të cilat përfaqësuan me shumë përgjegjësi e angazhim ZVA të Bashkisë Selenicë.
Vlerësimi me Çmimin e Tretë të nxënësve të shkollës “Mynyr Xhindi” Vllahinë, tregon jo vetëm për punën e mirë të stafit të kësaj shkolle me këtë grup artistik por, kryesorja, për rëndësinë që ky kolektiv i kushton edukimit të të rinjve me vlerat më të mira të trashëgimisë shpirtërore të banorëve të kësaj zone të njohur për Trashëgiminë e saj Kulturore dhe Etnografike.
Një shëmbull që presim e duhet të përgjithësohet në të gjitha kolektivat e tjera arsimore të bashkisë tonë.
